قبائل قريش
اهلا وسهلا بزائرنا الكريم في منتداك يتشرفنا تسجيلك بالمنتدى

قصيدة مهداة الى والدي

استعرض الموضوع السابق استعرض الموضوع التالي اذهب الى الأسفل

قصيدة مهداة الى والدي

مُساهمة من طرف عباس القريشي في الإثنين ديسمبر 17, 2012 9:53 am

يالزارع صبر ..
بأيامك الوكحات ..
يالذبلت عمرك ..
ورگةٍ ورگة ..
بخيت وثوب صبرك ..
ما نزعته ابيوم ..
وادري الوكت منك ..
رايد ايشگه ..
گالوا ننسى رسمك ..
من تمر الايام ..
طبع ينسى البشر ..
لو طالت الفرگة ..
بس بوية وحياتك ..
صورتك للحين ..
وسط الروح صدّگ ..
هيه متعلگة ..
يمتعب الزمن ..
من اجل ضحكة بيت ..
وين المثل گلبك ..
هسه ما نلگه ..
وندور وين .. مثلك ..؟
مو هذيچ الناس ..
صفه هسه الحرامي ..
يطالب بحگه ..
وندور وين مثلك ..
عنده گلب اچبير ..
يبث بينه الحنان ..
ابساعه الحرگه ..
ما نلگه احنه مثلك ..
يا وسيع البال ..
ضلينا ابغيابك ..
روح مختنگه ..
گبل لمن نجيك ..
ابشبگتك نرتاح ..
اجيناك احنه هسه ..
ابعازة الشبگه ..

طالت غيبتك ..
مر مرة لو بالطيف ..
مر بينه ..
ترانه ابحاجة اطيوفك ..
ندري ابصحوه ماظن تلتگيك العين ..
امبارك بالحلم ..
خل عيننا اتشوفك ..
علمنه الزمن ..
نصبر .. نعوف اهواي ..
بس كلشي نعوفه ..
وانت منعوفك ..
يا شايل جمر ..
جبت العمر تعبان ..
ومن تفتح اديك ..
الخير بچفوفك ..
يا بويه اعله بختك ..
هالگلب محتام ..
بعدنه اصغار بوية ..
ونرجه معروفك ..
گبل تتلگه ضيفك ..
بالهله من الباب ..
هسه الگبر ..
هم بي باب لضيوفك ..؟؟

عباس القريشي

الجدي

عدد المساهمات : 16
تاريخ التسجيل : 14/12/2012
العمر : 34

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى